【變身 Magsafe】手機都可以用磁力接點充電 ？！

即時將冇磁充的手機變成可以用「隨時甩」的充電方式。

原來網上其實有賣可將一般 microUSB 介面變為磁力接點的小配件，這個由 WSKEN 出品的金屬磁性充電線套裝，就備有一個 microUSB 介面的充電頭及一條磁充線。充電頭用鋁金屬設計，而磁充線就包含凹位，可以正確吸實充電頭充電。充電頭最高支援 2.4A 電流，據知可以支援 QuickCharge 2.0 規格，而磁充線當然亦兼具數據傳輸效果，簡單地就可以將 Z4 Tablet 及 Z3+「補完」成有磁力充電功能。咁當然啦，呢套小配件其實其他品牌的手機一樣用得，想用「磁能線」充電的話，不妨諗諗佢，至於去邊處買到？梗係靠我們的偉大「Taobao」啦！

一套賣 $169 人仔，唔算平。