近來球迷最關心嘅就係新賽季嘅英超轉播權花落誰家，正當這邊廂樂視高調宣布獲得 2016-2019 年度起三個季度嘅巴克萊英格蘭超級聯賽獨家版權；那邊廂 nowTV 發出聲明，指已經同樂視體育達成共識，通過合作繼續播放未來三季賽事，穩定軍心。點知樂視突然答返一句：「我哋到目前為止未有同第三方達成任何可具體可執行的方案。」很。可。惜。又係另一單羅生門。
樂視副總裁暨亞太區執行總裁莫翠天在記者發布會後被問及 nowTV 聲明時，作出以上回覆，又指未來幾星期會陸續有重要消息公布，除了後日有關樂視電視的發布會，十月初亦會公布另一合作夥伴。至於成本方面，莫翠天有十足信心可收回成本，但未透露確實數字。
樂視方面將會以 1,080p 加 4K 解像度播放英超賽事，但當中多少場賽事會以 4K 超高清解像度播放，莫翠天表示仍要與英超有關方面再作討論，稍後再作公布。至於會否有免費賽事播放，他就指關乎技術問題，將於未來幾個月內宣布。
 |  |
曼聯前門將舒米高及港隊球員陳肇麒與青少年切磋球技。