今日（7月25日）PlayStation於動漫節舉行《Street Fighter V》宣傳活動，邀請咗《街霸》執行製作人小野義德及助理製作人綾野智章到港外，仲有日本《街霸》名人梅原大吾（Diago）及名模美人佐藤佳代撐場！小野義德向來鬼馬，連助理製作人綾野智章都反串扮春麗，同Saito佐藤佳代鬥靚「仔」！（注：愛知縣名模佐藤佳代本是男兒身！）
執行製作人小野義德及助理製作人綾野智章
動漫節中小野公開Ken新造型之後全新角色：Necalli參戰！佢係一個以吞噬靈魂為生嘅古代戰士，唔知有咩新招好用？
小野老師於活動上宣布重要消息，於2016年春季推出嘅《Street Fighter V》將對應繁體中文介面，而繁體中文版本將與全球同步發售，真係好消息！
同場加映港日大戰，香港《街霸》名人Humanbomb對決日本冠軍名人梅原大吾Diago，結果Diago以2:0勝出！
Diago都同佐藤佳代來一場友賽，聞說佐藤「小姐」玩《SF IV》好勁，今日遇上Diago之後，結果就如下圖…
佐藤真係好靚「女」！
宣傳活動後進入記者訪問環節，有問《街霸V》會否推出街機版？小野老師都幾斬釘截鐵表示，因為要專心做好PS4及PC版嘅推出，係「暫時」唔考慮推出街機版！而PS Vita版會唔會有？小野老師表示因為系統上有不同，而要諗辦法將PS4同PS Vita結合同一遊戲環境，所以都要等一等。另外小野老師更透露，明年《街霸》系列正式踏入30周年，問到會有咩活動慶祝，小野老師話，雖然呢一刻未諗到會有幾盛大，但必定會有全球慶祝30周年活動，叫大家好好期待！