iPhone 起，先達肥～話說上年一推出 iPhone 6，就引起一輪狂熱炒風，無論新手老手都炒埋一份，想賺佢一筆。炒機嘅生態循環，在於大陸比香港遲開賣，又或基於規格所限，對港版行貨有需求，造成港行價格上升。所以每日大陸嘅開價，對香港嘅回收價同數量有決定性嘅影響力架。
今日網上就有傳大陸最大 iPhone 散貨場華強北已經開盤，iPhone 6S 賣價最低 9,280 人民幣起，玫瑰金就要 9,880 人民幣；而 128GB 嘅 iPhone 6S Plus 玫瑰金色仲訂價高達 22,800！睇嚟華強北就好有信心新機會有 4 種顏色，同埋會繼續有 16GB 容量。萬一有顧客真係俾咗錢訂貨，而聽晚開彩冇玫瑰金色，咁典算呀？
圖片來源：iTrade