《鄧寇克大行動》4K UHD 畫面出眾

不少人對 IMAX 拍攝的電影可以說是又愛又恨，恨係因為 IMAX上映時戲飛特別貴，而且揀唔到皇帝位或者較中後排的座位，直頭係貼錢買難受。而愛 IMAX 係因為出影碟時可以用盡成個16:9畫面，唔駛有上下兩條黑Bar限制視野，而近期要數用得盡16:9畫面的影碟當然係《鄧寇克大行動》，呢套由 Christopher Nolan 執導的大作雖然評價兩極，不過 4K UHD 的畫質就不用懷疑，電影幾乎八成以上的時間都使用 IMAX 拍攝，因此整體畫質及層次都比 35mm 拍攝的片段來得富質感，尤其是大特寫更顯真章。比較可惜係音效只得 dts-HD MA 5.1聲道，不過大家都知道Christopher Nolan 的作品幾乎都唔會用Dolby ATMOS，否則效果一定會更好。