【8 月 12 日晚上 8 時 20 分更新】一個本地音樂節,因為大會限制入場人士只可以用手機錢包 Tap & Go 一種付款方式,引起網民鼓噪及要求退款而釀成公關災難!
話說喺今個星期六、日,西九文化區將會舉行「wow and flutter 本地薑周末(以下簡稱 w+f)」音樂節,除了請來 LMF、Supper Moment、RubberBand 及一眾本地獨立樂隊演出之外,還設有市集攤位售賣手工藝品及餐飲,所以雖然票價不算便宜也好,仍吸引了不少捧場客。
不過,距離開騷剩餘幾日,主辦單位先至突然在 Facebook 上宣布,現場所有買賣交易都需要使用 HKT 旗下嘅 Tap & Go 拍住賞付款,有樂迷不滿「被屈」用 Tap & Go,擔心出賣個人資料,甚至要求退票。香港電訊方面其後回覆《 PCM 》查詢,指會場內將派發 Tap & Go 預付卡,毋需登記個人資料即可使用。
最初令入場人士不滿是因為喺 Tap & Go 原來條款裡面,不單要求開戶時提供個人資料,退費或取消帳戶都要繳付一筆手續費,所以引來一眾已購票人士反彈:「點解要屈人用 Tap & Go」、「送 d 個人資料俾人,仲要俾人收返手續費同行政費,真好啊!」、「買完 concert 飛再迫我哋用晒果 $100 ?又唔似八達通可負錢,如果喺會場買多 dd 嘢但差幾蚊又要重新入多 $100」,並有已購票人士發起要求退票。後來,主辦單位貼出告示,指入場人士可以索取 Tap & Go 預付卡在場內使用,而不需要申請 Tap & Go 帳戶。
[row][double_paragraph]
https://goo.gl/Dpz8Dy
[/double_paragraph][double_paragraph]
https://goo.gl/LKTq96
https://goo.gl/rvg6W4
[/double_paragraph] [/row]
[row][double_paragraph][/double_paragraph][double_paragraph]
[/double_paragraph] [/row]網民紛紛留言投訴大會指定用 Tap & Go 消費嘅安排。
香港電訊方面接受《 PCM 》查詢回覆,表示會場派發嘅 Tap & Go 預付卡毋需即時登記個人資料,亦不需繳付按金,用戶可自行增值,增值金額由 $100 起,最多 $3,000 元。活動完結後,用戶可選擇退還餘額,而不需繳付退款手續費用,詳情可致電熱線 2888-000 查詢及前往任何一家香港電訊、csl 或 1010 專門店辦理手續。另外用戶也可選擇保留預付卡作日常購物用途,包括淘寶等網上購物,但如果需要增值的話,就需要登記資料啟動 Tap & Go,即是需要到指定商店提交香港身份證副本。
在一般嘉年華活動中,使用代幣或預付購物券的方式來代替現金在場內消費蠻普遍。不過,過去的代幣系統無論是紙張或 IC 卡,都是封閉式系統,即只在會場內有用,離開會場便形同廢紙/卡。而今次 w+f,就直接採用一個流動付款系統,即使離開會場仍可能繼續使用。
同去年 11 月舉行嘅「 Clockenflap 香港音樂及藝術節」比較,該活動使用電子手環儲值作場內購物用,主辦單位接受以現金、信用卡同易辦事增值,退費毋需手續費,可退款到香港或海外嘅銀行戶口、或 Tap & Go 帳戶,手環在離開會場後就不能使用。相較之下, w+f 嘅系統雖然可以在離場後繼續使用,但儲值方式就顯得冇彈性。
難得有一場本地獨立音樂騷,大家都想開開心心去睇,因為消費安排搞到無癮又真係好掃興,唔知 HKT 會唔會考慮收回成命,唔要求所有人都要有 Tap & Go 先有得喺市集買嘢咁慘慘豬呢?
https://goo.gl/LmF8th
© 2020 Plug Media Services Limited. All Rights Reserved. [3]