仲記唔記得 Wii U 推出時，除任天堂自家作品外，Ubisoft 係當時最落力撐呢部新機嘅廠，以《ZombiU》俾 Wii U 獨佔搶到唔少收視，不過呢個所謂獨佔即將成為歷史，對開發商嚟講，有錢賺先係最重要。
Wii U 由推出時嘅風頭躉，變成而家被市場不聞不問，任天堂更以半公開表示明年會有新主機NX 推出，間接宣告 Wii U 條命仔已經差唔多（不過所謂新平台 NX 極可能係一個以 Wii U 為基礎嘅「功能升級版」），Ubisoft 亦於呢個時候正式宣布《ZombiU》會被移植至 PS4、Xbox One 及 PC，畫質更會因應新平台的強大運算能力而有所提升，連遊戲名字也會改叫《Zombi》。不過由於《ZombiU》本身有不少元素都係針對 Wii U 主機而設計，所以移植到新平台後內容及元素必有刪減，其中多人模式就不會在 PS4、Xbox One 及 PC 呢 3 個版本上見到，因為呢個模式係需要 Wii U GamePad。
係咪想玩呢？預定 8 月 18 日出街，即管到時睇睇會係乜嘢一回事。