原定 9 月 2 日推出嘅超強大作《Metal Gear Solid V：The Phantom Pain》竟然今日就已經有行貨賣，中國大陸更早於今個星期初就已經有歐版水貨見街。
今日各個大型 Game 場好似深水埗黃金、旺角信和好景、灣仔 188 等一眾英文版行貨都已經有得賣，連美版水貨都嚟抽水，兩者分別只在個封面同埋價錢，盒頂有條紅邊寫住「Day One Edition」嘅就係紅邊。
至於售價，行貨普遍賣 $420 左右，美版就平少少咁啦，不過都要 $400 過外架喇。至於「用嚟 J 」嘅 Collector’s Edition 個價就比較海鮮，好多鋪都冇標價，有興趣的話就要自己埋櫃位問價喇。
美版盒頂有一條紅色邊，以及有「Day One Edition」。
Collector’s Edition賣咩街？埋櫃位問啦。