今日小記收到份新聞稿，見到大題寫住「基斯坦奴·朗拿度及 Hugo 強勢加盟全新手機遊戲」，當堂嚇一跳，唔通C朗轉行做Game？
睇真啲，原來係 C 朗與手機遊戲 App「Ronaldo&Hugo! Superstars」合作，成為遊戲其中一個虛擬角色。玩家需要協助 C 朗及卡通人物 Hugo 踏上滑板，在拉斯維加斯中與狗仔隊展開追逐，透過避過障礙物及收集金幣來得分，玩法類似 Temple Run。除咗跑跑跳跳，玩家仲可以幫 C 朗換衫，女玩家可能會覺得吸引啲？
得分愈高，遊戲難度亦會隨之增加，令遊戲更具挑戰性。另外值得留意的是，遊戲場景會隨著時間轉換日夜景色，一邊玩可以一邊欣賞賭城街景。