更多

    【場料】 Sudio 真無線耳機最高五折優惠

    消費券派咗都有成半個月,相信好多朋友都已經駛晒頭一輪嘅兩千銀,除咗衣食住行等物品外,隨身數碼產品都係熱門消費品,而真無線耳機呢種高消耗品就真係排喺榜首,所以今個禮拜揾咗啲筍價真無線耳機俾大家參考吓。

    點解話真無線耳機係高消耗品?並唔係話產品本身易壞,而係大部分人都用得好唔小心,巴頓都聽過唔少 Case ,例如去廁所唔小心成粒耳機跌落屎坑、聽完就咁放入衫袋然後唔記得攡出嚟,件衫就放入洗衣機洗⋯⋯所以巴頓成日都話趁平入多幾隻真係無錯。

    Sudio Tolv
    Sudio Tolv

    2012 年起家的瑞典品牌 Sudio 一直專注生產藍牙耳機及音響產品,其高性價比一直深受用家追捧,而 SIGNEO Design 呢個月就將一系列 Sudio 產品做減價優惠益用家,包括 Ett ANC 、 Fem 、 Tolv 等入耳式真無線耳機同 Femtio 藍牙喇叭都有靚價,巴頓覺得 Sudio Ett ANC 最入得過,因為呢款耳機具備主動式降噪( ANC )功能,配合耳塞提供純粹無間斷的音質,而通話時自動啟動的通透模式,能依據場合抑制降噪效果,方便清楚聽到自己的聲音與環境聲。加上 IPX5 認證,可抵擋雨水及汗水。 Sudio Ett ANC 原價 $1,199 ,減價後 $799 就買到。此外 Sudio Tolv 就屬於平玩之選,廠方採用石墨烯質材製成振膜單元,還原更高的音色表現,而且耳機充滿電後可連續使用 7 小時,連同便攜充電盒可使用 35 小時。 Sudio Tolv 原價 $799 ,減價後 $399 就買到。

    Sudio Femtio
    Sudio Femtio

    另外,仲有款 Sudio Femtio 藍牙喇叭,具備 IPX6 規格,支援 APT-X 音頻編碼,以及 Siri/Google 語音助理,更可以連接兩個喇叭組成立體聲, Sudio Femtio 原價 $999 ,減價後 $699 ,優惠做到 2021 年 8 月 31 日咋。

    Sudio 優惠

    您會感興趣的內容

    相關文章