更多

    《 Pokémon GO 》訓練家對戰更多細節公開 對戰爭奪特殊道具!

    JY
    JY
    一個唔識打機但又鍾意獻醜,上至天文下至地理乜都識啲,但又乜都唔熟嘅廢青ww,最緊要玩得開心、大家睇得開心!

    老老豆豆,《 Pokémon GO 》就已經出咗兩年,仲有玩嘅(唔計最近先回鍋嘅朋友)相信對於打道館同團體戰都應該有返咁上下經驗,而大家期待已久嘅 PvP 對戰就出喇,只要掃描對方嘅對戰 QR code 就可以對戰!

    c2

    每次對戰各派三隻小精靈出場,對戰分三種:「 Great League 」每隻小精靈最高 CP 唔可以超過 1,500、「 Ultra League 」每隻小精靈最高 CP 唔可以超過 2,500、「 Master League 」冇任何限制。公平起見,雙方必須選擇同一個 League 。無論贏輸,雙方喺對戰後都可以獲得獎勵,有機會攞到「神奧之石」等嘅進化道具。

    [row][double_paragraph]c3[/double_paragraph][double_paragraph]c4[/double_paragraph] [/row]

    對戰除咗大家熟悉嘅一般招式同特殊招式之外,只要用星塵同糖就可以解鎖第二招特殊招式!另外,仲新增咗一個叫「防禦網」嘅東東,可以用嚟抵擋對方嘅一般招式,不過有使用次數限制。正常嚟講,玩家只可以同附近嘅訓練員對戰,不過只要達到「麻吉好朋友」級別嘅好友就可無視呢個限制。

    [row][double_paragraph]c1[/double_paragraph][double_paragraph]c5[/double_paragraph] [/row]

    另外,大家係可以搵隊長練習,只要搵佢哋對戰就可以攞到星塵或者其他強化道具,每日限攞一次。累積指定練習次數就可以獲得精英訓練家獎牌。

    c2

    您會感興趣的內容

    相關文章