喜歡 G1 變形金剛的朋友近月真係有福嘞，上兩星期巴頓先介紹過 1986 年的《變形金剛》動畫大電影，早前 Netflix 的《變形金剛 賽博坦大戰三部曲：王國》亦正式上架。
巴頓已經追開之前兩部曲，今次第三部曲除咗有大家喜歡的多位 G1 首代角色外，亦加入極限動物以及掠食金剛，即時令角色關係更豐富，兩派為了尋找失落的火種源再於不明的星球上展開大戰，由於今集是三部曲的最後一部分，所以有很多出人意表的發展，一定會令變形金剛擁躉感到滿足。巴頓想講嘅係今季影集的顏色及對比都較之前兩季來得更鮮明，除了是戰場由賽博坦轉移至另一星球外，極限動物及掠食金剛身上的顏色更豐富，不論是機械人型態或動物型態都富有另一種特色，那種光澤及金屬表現有別於柯柏文等 G1 角色們，令各位在欣賞時更賞心悅目。音效方面，仍然保持一貫水準， 5.1 聲道在多場戰鬥的發揮都尚算不錯，尤其是最後兩集激戰連場，槍擊與博擊的碰撞聲非常突出，就連隱藏在宇宙深處的幕後老大都帶著強烈的低頻，營造了沉重的壓迫感，各位不容錯過。
