高比可否不要老～歌就咁唱，但高比拜仁終於喺 4 月 14 日早上最後一次代表洛杉磯湖人主場出賽，圓滿告別 20 年嘅 NBA 球員生涯。知啦知啦大家都好唔捨得高比仔，成個 Facebook 同 Instagram 都一直畀高比洗緊版，就連 2K Sports 都趁機宣布，將會推出特別版 Legend Edition，由高比拜仁擔正大旗做封面，嗚呀今次唔玩都要買嚟紀念吓啦。
[ot-video][/ot-video]
NBA2K17 Legend Edition 包括一張限量版高比拜仁海報、手掣貼紙、兩張高比遊戲卡；以及其他數碼內容如 30,000 虛擬貨幣、2K 高比 XI 球鞋、球衣及衛衣等等。今次已經係高比第二次成為 NBA2K 嘅封面主角，對上一次係 2K10；高比仲話好開心可以再次同 2K 合作：「雖然我要離開球場，好開心粉絲仍然可以延續我喺湖人嘅生涯。」遊戲將於 9 月正式推出，現時正於美加地區預售，定價 80 美元（折合約港幣 620）。
