更多

    K11 藝術展 試玩 VR 藝術創作

    cHLoe
    cHLoe
    ・仍相信科技是讓人進步 ・喜愛拍攝,上鏡極不自然 ・特別關注科技教育 ・熱愛了解藝術上的科技應用 ・大部分時間天然呆

    前幾日介紹過 K11 與藝發局合作舉辦的藝術展 Electronic Vibes 《電‧藝‧感》,今日我就去到 K11 試玩虛擬實境(VR)藝術創作,仲喺 Design Store 試玩 VR 模擬飛行器,真係夠晒過癮。現場仲有法國著名多元藝術家 Valèry Grancher 利用 VR 現場創作,依家就由我話你知,邊幾個 check point 唔可以錯過啦。
    依家至 6 月 22 日,只要喺下午 2 時至 9 時走入 K11 範圍的露天廣場,就會睇到大屏幕上不斷有一群群烏蠅繞住影像範圍內活動的參加者,只要參加者靜止唔郁,烏蠅就會飛走。唔想比啲烏蠅跟住,就唯有停落黎,《蠅像》的藝術家希望透過此作品,讓大家停落黎,珍惜每個短暫時刻。

    露天廣場的大屏幕就有《蠅像》,提醒大家珍惜當下。
    露天廣場的大屏幕就有《蠅像》,提醒大家珍惜當下。

    由露天廣場行入中庭,自然會見到香港著名建築師 Betty Ng 設計的虛擬實境體驗區,體驗區在設計靈感來自虛擬與實境之間的相對性與衝突,中庭設置兩個體驗區,經過的途人都可以觀看到參加者玩 VR 時的動作,透過面前四個屏幕,作為旁觀者都睇到參加者所畫的創作,唔知參加者會點樣利用 VR 創作去表達意念呢?
    即日至 6 月 19 日,逢星期一至五由下午 5 時至 9 時;星期六中午 12 時至 10 時;星期日及公眾假期下午 1 時至 9 時,大家都可以試玩。小記戴住個頭戴式裝置,用兩個無線控制器,喺白色雪人背景下,畫左啲星星同埋藍色雪。哩次 VR 體驗唔同平時玩虛擬遊戲,好似喺立體空間畫小畫家,大家都係睇返藝術家 Valèry Grancher 於  5 月 29 日及 6 月 4 日的示範創作吧。
    藝術家 Valèry Grancher 正在為紅色的花添加層次。
    藝術家 Valèry Grancher 正在為紅色的花添加層次。

     
    Valèry Grancher 用綠色幼線創作更多的枝幹。
    Valèry Grancher 用綠色幼線創作更多的枝幹。

     
    Valèry Grancher 仍未完成的創作,大家可於 5 月 29 日及 6 月 4 日親身看他的繼續示範。
    Valèry Grancher 仍未完成的創作,大家可於 5 月 29 日及 6 月 4 日親身看他的繼續示範。

    既然 VR 仲未可以普及,同場還有 Design Store 與 JetOne Motion 合作,使用 Powered by Asus 的電腦,配合三個屏幕組成一個寬視角俾大家試玩,我就趁住人少少走去玩呢個用模擬飛行器。坐喺駕駛位上面,畫面猶如真實處於真實的駕駛倉一樣,原來哩個模擬器,將成為澳洲航空學校於九龍區提供練習的唯一地點。如果大家有興趣,可以喺下年 5 月之前試下哩個飛行模擬器,不過價錢都唔平,30 分鐘要 $980 起。
    Design Store 與 JetOne Motion 合作,使用 Asus 支援 4K 的處理器,設置飛行模擬器,大家可以試玩。
    Design Store 與 JetOne Motion 合作,使用 Powered by Asus 的電腦,配合三個屏幕設置的的飛行模擬器,大家都可以去現場試玩。

    您會感興趣的內容

    相關文章