自從 Google Photos 推出以來，將所有相 Backup 晒上 Google，真係分擔左我地手機儲存空間的壓力，的確係好好用。近日，Google Photos 有更新，提供「當年今日」新功能，就是自動顯示一些當年今日拍下的相片及影片，俾你慢慢重溫。
其實，Facebook 早前已有類似的功能的「On This Day」，重現你自開 Facebook 以來當日所做的所有事，包括上載的相片、被 Tag 的相片及 add 過的朋友等等。而 Google Photos 的功能正正就同「On This Day」十分相似。
現代都市人機不離手，有咩都相機食先，又成日 Selfie，影埋一大堆相都冇咩時間睇番。呢個功能就正正幫你重溫所有回憶，設定亦好簡單，只要開啓已更新的 Google Photos，就可以在「小幫手」中設定啓動。若在程式內未見到以上字眼，可先檢查是否已安裝最新版本的程式。
來源：Google
