早前有位動漫迷排咗咁耐買到 Figure，會將 Figure 拎到返屋企個玻璃箱，裝起佢係到睇，學佢話真係日日 J。仲會話珍藏啲 Figure，唔會拎出嚟玩，仲問番你轉頭，擺喺玻璃箱入面點玩啊？要有意義咁玩 Figure，小記就要介紹一個喺動漫節會場入面吸引超級多人睇嘅…3D 投影箱，包你見到即刻講番句：識玩 Figure 一定係咁玩！
如果無去動漫節的話，呢個由 3DsHK 推出嘅 3D 投影箱，只要將 Figure 擺喺投影箱入面，播放 MPEG4 格式嘅影片，就有唔同嘅視覺特技效果，令到個 Figure 好似識郁咁，非常之型！喺市面上賣緊兩個 Model：3Ds-M7（W320 x D313 x H260 mm）同 3Ds-M12（290x 458x415mm），分別擺到 7 吋同 12 吋嘅 Figure，不過 3DsHK 創辦人 Edward 就話可以任由大家訂製唔同尺寸，Size 最大可以擺到 1:1 嘅Figure。
 |  |
| 3D 投影箱吸引多人圍觀 | 3D 投影箱投影有電影Feel。 |
買番屋企唔需要擔心唔識得用，事實上操作簡單，插上電掣同 USB，投影箱就自動投影出 MP4。隨機仲會附送幾段視覺效果嘅影片，Edward 仲話有好多Fans 買咗投影箱返屋企仲會自己 Download 其他影片，或者用 AfterEffect 等軟件動手製作，再 Send 番畀佢睇，3D 投影完全有電影嘅 Feel 啊！同時間，Edward 就話公司策劃緊一個交流平台，希望可以令用家有一個平台交流心得同分享自製影片。小記分享完畢，睇完呢個 3D 投影箱，本人都想問一句：外行人識條鐵咩？！