上個禮拜細佬就同大家報過《 FFXV 》大部份嘅 DLC 將會取消開發，出埋 Episode Ardyn 就會正式爛尾，唔做落去嘅主因係製作人田畑端已經離開 Square Enix 。
見到咁嘅情況，外國有個 fans 為咗悼念呢堆夭折咗嘅 DLCs ，自製咗個墓碑 mod「FFXV DLC Memorial 」，擺咗上 Steam Workshop 俾大家免費下載。呢幾個墓碑係主角 Noctis 嘅裝備，即係話大家可以帶住堆墓碑一齊冒險，隨時悼念呢幾隻 DLC 。
其實《 FFXV 》到呢一刻個故仔好明顯係未完，官方就只係話為咗專注喺新 3A 大作嘅開發，先決定中止現階段《 FFXV 》所有 DLC 嘅開發，實際最後會唔會補完個故事，官方並冇交待。
