更多

    【Facebook 監聽風雲】5 招秘技提高私隱過濾廣告

    尋日《PCM》報道過,有外國媒體報道指 Facebook 會透過用戶手機咪高峰監聽,從而收集資訊了解用戶喜好,投其所好推送廣告。報道引起廣泛關注,大眾關注社交網絡巨頭會否利用滲透力及技術侵犯用戶私隱。對此 Facebook 方面澄清,指出功能只會於用戶同意的情況下才擷取咪高峰,又指不會利用手機咪高峰得到的內容向用戶提供廣告,或改變動態消息內容;廣告是根據用戶的個人興趣及個人資料簡介而顯示。
    Facebook 方面發表聲明,指會在得到用戶允許,並在用戶主動使用語音功能的 App 時,才會擷取咪高峰。兩年前 Facebook 亦新增一項功能,用戶打卡時可以選擇允許 Facebook 利用手機咪高峰,自行辨識用戶欣賞緊嘅音樂、電視或電影,更新近況。

    兩年前Facebook亦新增一項功能,畀用戶可以打卡時選擇允許Facebook利用手機咪高峰,自行辨識用戶欣賞緊嘅音樂、電視或電影。
    用戶打卡時可以選擇允許 Facebook 利用手機咪高峰,自行辨識用戶欣賞緊嘅音樂、電視或電影。

    不過,無論如何,Facebook 收集個人資訊去推送廣告呢點都係不容忽視。正如官方聲明中所言,Facebook 係透過閣下嘅興趣同個人資料發放廣告,咁點樣保護個人私隱呢?
    首先,Facebook 講到明,廣告一定有,數量一樣多,冇得揀唔睇。唔好以為你喺 Facebook 掌管範圍內嘅活動先會影響到廣告內容,假設你睇過一個旅遊網站,用過訂房App,Facebook一樣可以追蹤到,從而推送相關廣告。不過,你有得揀畀唔畀 Facebook 「根據你的興趣」去發放廣告,同埋根據邊啲興趣。
    a
    1. 喺Facebook Settings > Ads,可以選擇拒絕 Facebook 及網上廣告根據閣下嘅興趣顯示,設定會應用到手機版同網頁版。閣下仲可以進階設定唔同手機 App、網頁版唔同瀏覽器等等有邊啲公司係根據興趣提供廣告,個別 Opt Out 停止顯示。
    b
    2. 留意第二個選項中提到,當公司向 Facebook 買廣告時,係可以根據用戶嘅興趣資料,喺 Facebook 以外嘅 App 同網站中向用戶顯示廣告。閣下可以選擇唔畀呢啲公司得到你嘅興趣資料去賣廣告,不過廣告依然有,只係會換成根據性別、年齡、位置、網站內容、網上活動等去顯示。
    c
    3. 平時喺 Timeline 成日見到朋友 Like 咗咩 Post 咩 Page 可能都覺得有啲煩,依家都可以選擇唔顯示畀朋友,呢個咁好嘅 Setting一定要教識埋朋友啦喂。
    e
    4. 既然係唔係都要睇廣告,其實都可以選擇睇咩廣告。正如前文所講,你所有活動都可能構成 Facebook 廣告元素,搞到廣告「立立集集」,Click 呢度就可以自行整理,增減興趣,睇廣告都睇得受落啲咁。
    [row][double_paragraph]
    iOS
    iOS

    [/double_paragraph][double_paragraph]
    Android
    Android

    [/double_paragraph] [/row]
    5. 以上都係喺 Facebook 度設定限制佢截取閣下活動資訊去顯示廣告,不過手機運作系統度設定都一樣有基本限制廣告追蹤嘅功能。iOS 用戶可以選擇 Settings > Privacy > Advertising > Limit Ad Tracking,Android 用戶則可以去到 Settings > Accounts & sync > Google > Ads > Opt out of interest-based ads,大家可以 Check 一 Check 呢項功能有冇開啟,保護自己唔畀 App 利用個人興趣資料賣廣告。

    您會感興趣的內容

    相關文章