好多喜歡玩兩聲道音響的朋友，都會鍾情英式廠牌的產品，事實上英國的喇叭及播放器等器材，音質取向都相當啱香港人口味，所以今期搵嚟一套多功能立體聲器材貫徹靚聲。
隨著數碼檔案及串流音樂服務的成熟，不少朋友聽兩聲道已經不再限於用 DAP 及耳機，而是進一步提升聽感的享受，用更高級的播放機及喇叭去還原音樂，巴頓成日都覺得買一套靚聲 Hi-Fi 放在家中真係會有一種自豪的感覺，未開聲已經有台型，一開聲就更加可以證明自己的身價。
大約半年前 Cambridge Audio 就出咗部 EVO 75 All-in-One 播放器，一部機有齊網絡串流、音樂播放及後級放大等功能的機種，憑藉出色的 Hypex NCore Class D 放大技術和廠方引以為傲的 StreamMagic 音樂串流平台，用家只要添加喇叭，就可以享受高分析力的音樂質量。當然喇叭的選擇亦相當重要，所以 AV Life 生活影音特別整咗個套裝益用家，就係 EVO 75 播放器 +EVO S 書架式喇叭， EVO S 喇叭設有一組 25mm 絲綢圓頂高音單元，一個 165mm 陽極氧化鋁錐體中低音，頻龐範圍由 50Hz 至 40kHz ，絕對是 EVO 75 播放器的最佳拍檔。 EVO 75 播放器原價 $17,800 、 EVO S 書架式喇叭原價 $6,500 ，兩款產品一起買原價 $24,300 ，現在套裝價只需 $21,870 ，足足慳咗 $2,430 ， EVO S仲送原廠喇叭線一對， 9 月 30 日前購買再送 $200 DON DON DONKI 禮券，禮品數量有限，送完即止，著數咁多真係要快手啦！
