C3 日本動玩博覽開鑼　通宵排隊購心頭好

一連三日的 C3 日本動玩博覽今日正式開幕，一如既往，C3 主打推廣日本動漫、電玩同 Cosplay 文化，吸引唔少 ACG 迷，更有人不惜於昨晚 6 點起開始排隊，但求提早入場搶購心頭好，包括今期大熱的《街霸V》、《人中之龍 極》等等。

搭正12點開場，就經已有數十人急不及待衝入場內搶購。今年格鬥 Game 熱潮捲土重來，Sony （SCEH）亦有再度參展，攤位出現人龍，唔少入場人士購買相傳賣斷市嘅PS4《STREET FIGHTER V》中文版（HK$398）及「亞洲限定版」（HK$468）。場內也有發售早前推出的黑道遊戲《人中之龍 極》特別版主機同捆裝，即場購買更可獲贈DUALSHOCK 4 手掣及 PlayStation 迷彩便攜摺疊椅及 PlayStation 新年福袋（最高價值HK$700）。

各款 Figure 依舊是場中焦點，撞正現時《機動戰士高達 鐵血的孤兒》播放中，場內不乏高達展品、模型及精品，仲有珍藏版RG 1/144 Gundam Astray Red Frame Plated Ver. 限量發售。

在場內下載「SD 高達疾襲先鋒」App，並登記成為 Premium Bandai 會員及 DAISUKI.com 會員，就可以免費得到女版主手上的高達海報。

女版死侍別有一番韻味。

除初音等經典角色外，場內亦有其他新 Figure 受動漫迷追捧，例如圖中嘅 Frame Arm Girls；Frame Arms 係壽屋呢間廠出嘅科幻軍事模形系列， 賣點係同一個骨架，可以換裝甲變成另一個用途，而 Frame Arms Girls 就係將 Frame Arms 美少女化嘅系列。