每逢見到有代理或商舖慶祝周年誌慶，巴頓都覺得十分興奮，皆因要維持一門生意在現今的時代確實不易，尤其係本地中小企背後未必有財團支撐，遇到的困難就當然更大，可以延續下去都值得支持，良性競爭對用家及賣家絕對係好事。
好多人都覺得黑膠唱片係一門奢侈玩意，相比聽 File 或 CD 要花費更多，巴頓就覺得玩黑膠本身是享受整個過程，從唱片封套取出唱片、放落唱盤、開擴音機、啟動轉盤再放下唱針，然後慢慢扭大音量，從視覺、觸感再到聽覺三重享受。當然器材本身的挑選都是一個學問，而巴頓上周行經太子，就見到環球電器為慶祝 69 周年紀念推出唔少筍價產品益用家，其中一套就係英國 BLUE AURA Blackline PG1 黑膠唱盤配法國 Micromega MySpeaker BT 喇叭。
Blackline PG1 是一台皮帶驅動的黑膠唱盤，內建可切換唱頭放大器，能讓 PG1 直接 Line-out 接駁一般擴音機或內置擴音功能的喇叭， PG1 用上高扭力的直流馬達確保了轉盤穩定且持續的旋轉，此外 PG1 同時也帶有藍牙連接能力，因此配上 Micromega MySpeaker BT 就稱得上係最佳拍檔。
MySpeaker BT 由一個主動式內置 AB 類擴音機及一個被動式喇叭組成，前者內置與 MyAMP 相同規格的擴音器及解碼功能，功率輸出為 60W+60W RMS ，並支援 aptX 高質藍牙解碼、 USB 、光纖、同軸及模擬 Audio 輸入插座。連接電腦 USB DAC 解碼最高支援 24bit/96kHz PCM 訊號輸入，至於光纖及同軸輸入最高可支援 24bit/192kHz 。呢套靚聲組合原價 $10,160 ，環球電器減價益用家 $5,889 就買到，五八折真係無得頂，限量 68 套有買趁手！
查詢：環球電器（ 2393 6628 ）
