今年財爺無派現金，只係俾電子消費劵，大家都係俾心機搵錢同搵平嘢買算啦！傳統 3 月份市道都比較淡靜，而今個禮拜巴頓又搵到啲電視機筍價優惠，想趁機執平嘢就要留意嘞！
雖然 8K 電視機已經賣街一段時間，但你問我依家換電視機就點都係揀番 4K Smart TV ，原因當然係技術成熟之餘價錢亦已去到相當合理的水平，尤其係大尺寸型號，以往可能都要接近十萬蚊，但家陣四、五萬蚊就已經有相當唔錯嘅質素。就好似今個星期見到 AV Life 有兩款大尺寸 4K 智能電視機做緊優惠，既減價又有贈品，先講 Sony BRAVIA 4K HDR 電視 KD-75X9000H ，呢款 75 吋型號採用 Android TV 系統，可以安裝《 YouTube 》、《 Netflix 》、《 VLC Player 》等等大量唔同嘅影片串流播放 Apps 俾你煲到飽！
本身 X9000H 係 Sony 高階 4K BRAVIA 系列，既有全陣列 LED 背光外，更支援 Dolby Vision 同 Netflix Calibrated Mode ，為畫面效果帶嚟更豐富嘅電影感。 KD-75X9000H 原價 $45,990 ， AV Life 減至 $43,680 ，再送 $2,000 超市禮券同香港迪士尼 15 周年限定紀念禮品。
同場仲有款 LG 65 吋 WX 系列 4K OLED 電視，賣點除咗超薄機身設計，仲配備咗 4K OLED 面板、第 3 代 α9 AI Processor 4K 影像處理器、支援 Dolby Vision IQ影像同 Dolby Atmos 3D 聲效，原價 $59,980 ， AV Life 減至 $54,980 ，再送 Apple AirPods Pro 真無線耳機、 12 公升氣炸鍋、香港迪士尼樂園 15 周年限定禮品！又減價又有咁多著數，實在令人難以抗拒！
查詢：AV Life （ 6886 3398 ）