Apple Watch 開賣，有興趣嘅朋友可能都係度忙緊「撳表」，不過如果係係「用家」，擔心隻表有咩損傷可能都希望可能其他 Apple 產品咁買個保養，你可能要留意，今次AppleCare+ 收費會按每款系列手表而有所調整，最貴的 Apple Watch Edition 保養費要動輒高達萬元。
從官方網站所見，每個系列的 Apple Watch 都有各自的 AppleCare+定價，最入門 Apple Watch Sport 的 AppleCare+ 價錢一律為 HK$388，Apple Watch 的 AppleCare+ 則為 HK$548，不過由於 Apple Watch Edition 的起跳售價由 $70,000 港元起，所以 AppleCare+ 的收費亦隨之而增加，整個系列的保養收費為 HK$11,800。
選購 Apple Watch 時，大家就可以一併購買 AppleCare+，其實每隻 Apple Watch 均隨附一年硬件維修的有限保障以及長達 90 日的免費支援服務。不過 AppleCare+ 保養計畫，會將保障期延長至你原先購買 Apple Watch 的日期起計的兩年，並能享有多達兩次意外損壞的保障服務，每次收取 HK$618 服務費。不過要留意，呢個價都只係適用於Apple Watch Sport同Apple Watch 用家， Watch Edition用家如果有意外損壞，個價係收 HK$7,800，不過會保多一年，即係由原先購買 Apple Watch 的日期起計的三年。