市場上 Android Wear 大家都見唔少，唔同牌子都各自推出不同智能表，甚至已經有廠推出第二代產品，不過個勢暫時都未係好熱鬧，唔少人都仲係期待 Apple 推出 Watch，先再睇定情況。不過今日就有指蘋果新表因為硬件太食電，續航力只有 2.5 小時至 4 小時之間，分分鐘搭車返工返到公司就已經無電。
其實呢單新聞未出之前，Tim Cook 好早都已經「預告」話款手表差唔多每日都要充電一次，咁作為智能裝置嘅用家，一日幫智能裝置充電一次，其實都好平常！你問係咪唔可以接受，咁都忍咗咁耐，最多咪充多一件，無所謂啦。
但問題來了，今日 9to5.com 報導指，Apple Watch所採用的Retina Display，加上 A5 核心，耗電問題相當「強勁」。更重要的是手表在高度使用的情況下，只能夠維持 2.5 小時至 4 小時的電力，而網站指蘋果期望在運動模式下能有 4 個小時的續航力，已經係較好的表現，以這種說法對於使用者來說，其實是相當不能接受。