近期興煲劇，之前有 Netflix 強攻美劇，又有 Viu OTT 緊貼韓日劇，連 TVB 都話會出埋一份。除了同香港寬頻合作，其實 3HK 早已話會免費派 SIM 卡比市民試用 myTV SUPER App，3HK 亦確定了派 SIM 日期，就是 3 月 15 日起，於全港超過 60 間 3Shop 及 3Xpress 門市派發「myTV SUPER 5GB 數據儲值卡」，官方稱 SIM 卡數以萬計，不過都係先到先得啦。
想免費試睇好簡單，拿到 SIM 卡後裝入手機，再下載 myTV SUPER App，於 4 月17 日或之前啟動帳戶，就可以免費睇足 30 日 myTV SUPER 基本組合及 TVB 外購節目點播組合，而這張 SIM 就包 5GB 流動數據，用完亦可於該 30 日免費期內用 Wi-Fi 繼續睇。
至於已是 3HK 客戶的話，只要下載完個 App 再登記試用都有一個月免費試睇，30 日後亦可以月費 $58 優惠價繼續睇落去。如果係狂熱份子又可以轉 $68 包埋「歡樂通宵」任用數據計劃（原價月費 $48，只限 4G 客使用），咁就可以每晚 11 時至翌日早上 7 時無限任煲，但 4G 數據速度不高於 1Mbps，咁都已經唔使就住睇啦！