更多

    電腦節後記

    Alan Ng
    Alan Ng
    《PCM》副總編輯 @Plug Media

    隔咗一年無得出街嘅暑假後,今年暑假稍為回復正常,大家除咗有得出返街玩,當然仲可以去行展覽會, 繼婚宴展、書展、動漫電玩節、旅遊展、 AV Show 、美食展等等幾大展覽之後,壓軸之一嘅電腦節亦會響今日出書嘅 23 號 last day 喇,如果未去嘅話,記得今日係至到 18:00 ,話唔定臨尾去會執到筍嘢都唔定㗎!

    同其他展覽一樣,事隔一年後,電腦節終於回歸喇!
    同其他展覽一樣,事隔一年後,電腦節終於回歸喇!

    今年電腦節一如以往,都係賣場性質為主,編輯部開幕當日都有去掃場,除咗響 fb 幫讀者即時格吓價之外,亦有開 live 直播行場搵吓有乜筍嘢同新嘢,今次《 PCM 》亦聯乘 anlander 搞咗個 Pop-up Store ,賣吓 Router 、電視等嘅智能家居產品,如果即場登記做佢哋嘅會員,除咗可以收到最新嘅購物優惠同資訊,仲送《 PCM 》雜誌𠻹!編者當日都一早落咗場,行場時仲見返唔少行家友好,簡直好似係敍舊會咁呀!

    編輯部即場開live 直播行場幫大家搵筍嘢,咦...長頭髮 嗰位靚女咁熟面口嘅?佢咪係超必網絡嘅阿粗囉!
    編輯部即場開live 直播行場幫大家搵筍嘢,咦…長頭髮嗰位靚女咁熟面口嘅?佢咪係超必網絡嘅阿粗囉!

    雖然話電腦節係主力賣嘢,但都有新機籍住電腦節回歸呢個機會,響場內發布新品,講緊嘅就係 ASUS ROG Phone 5s 系列喇,由電競電腦同配件出埋電競手機, ROG Phone 已經出到第 4 代,而 ROG Phone 5s 系列可以話係幾個月前出嘅 ROG Phone 5 系列嘅強化版,主要係換咗粒更快嘅 S888+ 處理器,令新機效能及速度都有所提升,打機時就梗係更得心應手啦,新嘅 ROG Phone 5s 系列仲響場內有預先發售活動,早人幾日玩到新機外仲有嘢送,不過新機會響今個禮拜二即係 24 號就正式發售喇,如果上次觀望緊嘅玩家,相信今次係時候入手喇!

    ASUS 揀咗響今年電腦節發布ROG Phone 5s 系列,難得有機會同話事人 Phyllis嚟個selfie,唔知幾時可以用ROG Phone 5s Pro 同佢battle返場咁呢~
    ASUS 揀咗響今年電腦節發布ROG Phone 5s 系列,難得有機會同話事人Phyllis嚟個selfie,唔知幾時可以用ROG Phone 5s Pro 同佢battle返場咁呢~

    電腦節完咗之後, 仲有結婚節同移民博覽,相信後者都會幾爆喇!點都好,趁仲有個零禮拜,好好咁捉住暑假嘅尾巴,玩埋佢!玩盡佢喇!

    您會感興趣的內容

    相關文章