新正頭巴頓祝各位身體健康、人人有工開愈賺愈有！雖然做嘢搵錢好重要，但都要有番啲平衡，而巴頓最放鬆嘅時間就係留喺屋企煲戲，投影機就係巴頓多年以來夢寐以求的產品，而今個星期巴頓就搵到部筍價 4K 投影機推介俾各位，同屋企人一齊留家嘆好戲。
香港地玩投影機真係有啲奢侈，屋企要有一定空間，投影幕同投影機都唔平，而且呢個時代點都要 4K 起跳，無理由再買番 1,080p 機種。其實，市場上 4K 投影機的價格都無乜平過，早幾日開年後巴頓出去旺角走咗轉，去華仁影音就見到 Acer 有部 V6810 4K HDR 投影機，呢款機採用咗德州儀器的 0.47 吋 DLP DMD 晶片搭配 RGBRGB 六節點色輪技術，最大賣點當然就係原生解像度支援 3,840×2,160 ，仲具備 HDR10 影像及支援 Rec.2020 和 Rec.709 色域，最大可投放 180 吋大畫面，睇戲打機自然更開心啦！機背提供 HDMI 2 .0 插座及機身內置 10W 喇叭， V6810 4K HDR 投影機原價 $14,980 ，華仁影音減價後 $11,980 就買到，平咗成三千銀，萬二蚊有找玩到 4K 投影機確實係抵！
同場仲有款 Chario Reflex Seconda 2 路 4 單元書架式喇叭同樣有靚價，呢款喇叭特別設有一前二後三組 2 吋高音單元設計，再配合一組 5 吋中低音，效果相當唔錯，喇叭的靈敏度達 86dB 。意大利製造的 Chario Reflex Seconda 原價 $4,880 ，減價後 $3,280 ，都平咗千六蚊，各位新年快啲去買新玩具啦！
查詢：華仁影音 （ 2787 7992 ）