更多

    婚拍即時分享
    Sony 新雲端相簿幫到手

    Lawrence
    Lawrence
    《PCM》創刊編輯, 見證電腦由 Monochrome 到 3D,9.6Kbps 撥號到 5G 無線上網年代,DIY、攝影、影音、手機樣樣啱玩。

    雖然而家係疫情,年尾結婚擺酒的活動要停一停,而然唔少新人一樣婚照結。以往日間接新娘,夜間擺酒有片睇,攝影師的效率已經好高,不過 Sony 新出呢個 「Visual Story」雲端服務,一部相機、一部手機,就可以即時分享婚拍或舉行活動的相片。

    「Visual Story」雲端服務需要配合支援 Wi-FI 即時傳輸的 Sony 無反相機,包括 A9II、A9、A7CA7RIVA7SIII 幾部,而且需要更新 Firmware才用到,而手機則需安裝 「Visual Story」應用程式,之後在 App 內選擇購買 Basic (US$21.99) 或 Power (US$52.99) 雲端服務。收費都算貴,所以預算是攝影師又或者是婚禮服務才會購買和提供俾顧客作為增值服務。

    經相機拍攝相片,會由手機或平板電貓傳送到雲端硬碟,加上攝影師資料和相簿名稱,就可以 「sell相」。

    「Visual Story」雲端服務可以將相機拍攝的照片,在拍攝過程中傳送到手機,攝影師可以選擇發放的相片,加上標題,就會傳送到雲端硬碟,攝影師可以加上自己的社交平店連結,加上設定公開時間,便可以製成網上的一輯婚攝相簿。

    揀相後可以加入濾鏡效果進行後製。

    這功能最有用的地方,就是俾新人可以用自己的手機揀相,唔使約攝影師面對面揀相,節省時間和減少接觸。而相片在選擇好之後,也可以加入濾鏡效果進行編輯,令工序更快更簡單。

    不過「Visual Story」雲端服務暫時未有在香港的 App Store 提供,想嘗鮮可能要用美國的 Apple ID 來下載

    您會感興趣的內容

    相關文章