香港的住屋問題確實令不少人很沮喪,巴頓有個朋友要搬出嚟住,佢本身都係喜歡玩音響同家庭影院,之前同父母住又玩膽機又有多聲道,自己搬出嚟住三、四百尺單位,仲想玩音響就只能簡化器材,而巴頓今個星期就揀咗兩款簡約音響產品推介俾大家。
既然老友開口想簡約玩音響,巴頓行街行場就幫佢留意吓有咩筍貨,早幾日去尖沙咀金馬倫里通利琴行,就見到有部機體小巧的 A-U671 入門級綜合擴音機做緊靚價,呢部機雖然屬入門產品,但廠商也採用了不少技術去強化音質,例如在擴音機中內置了數碼功放,達到每聲道 70W(6Ω) 的輸出。此外, A-U671 內置高質的 USB DAC ,支援 DSD 5.6MHz 格式的原生播放或者 384kHz/32bit 播放。解碼晶片採用美國 ESS Technology 出品的高性能 SABRE32 ES9010K2M ,音色純正而討好,只要配合一對小巧的書架喇叭再連接電腦或 CD 播放機,即可組成一套簡約的靚聲音響。
![Yamaha A-U671 綜合擴音機](https://www.pcmarket.com.hk/wp-content/uploads/2020/11/1420PAS04P02-1024x1024.jpg)
A-U671 原價 $3,800 ,減價後 $1,980 就買到,都差不多半價嘞!同場仲有款 Yamaha Soundbar 有優惠,由即日起至 2020 年 11 月 30 日 ,凡購買 YAS-109 Soundbar 可獲得 EP-E30A 藍牙耳機一個, YAS-109 支援 DTS Virtual:X 3D 環繞音效,加埋 Alexa 語音功能,只要開聲就可即時控制 Soundbar 。內置藍牙同支援 Spotify 串流音樂,齋聽歌都好方便!另外, YAS-109 已設有兩組低音單元,開啟 Bass Extension ,低音效果更震撼!家陣買 Soundbar 送藍牙耳機, YAS-109 本身賣緊 $2,380 ,個耳機都值三百幾,抵玩!
查詢:通利琴行 ( 2762 6900 )