自從今日王維基宣布， HKTV Mall 正式開業兼每人派 $100，香港人為之瘋狂，今日全日 hktvmall.com 都「死死地」，服務非常不穩定。到了晚上放工後流量高的黃金時段，直頭長期無法開啟網頁，只見「Site Under Maintenance」字樣。
官方發出緊急通告，指官網（hktv.com.hk）及 HKTV App 於今晚 8pm 至 10:30pm 進行系統維護；HKTV App 不能註冊或登入收看點播節目，HKTV Mall 網購平台相關的服務也可能會受到影響。到底係咪真係因為 $100「大利是」吸引太多人註冊，搞到 HKTV 個網負荷唔嚟呢？甚至乎將所有貨品搶購一空冇野賣所以要暫停服務？咁就要問問維基啦。
更新：到了10:30pm，小記滿懷希望登入HKTV Mall，點知發現唔少貨品都已經被搶購一空，暫時缺貨！醉心工作（！）嘅小記諗住做多陣野，夜少少再慢慢睇下有咩筍貨啦，點知又.入.唔.到！HKTV官網通告指，由於網絡仍需時修復，官網及HKTV App需延至早上6:00後才能恢復運作。想拎到呢 $100 利是都唔係咁容易呀！