早前 WhatsApp 推出全球任 Send SIM 卡，旋即備受關注；香港寬頻最近亦宣布推出全新的「旅遊上網 SIM 卡」，可以全球 39 個地區上網，每日 $55 包 150MB 數據。
香港寬頻用戶即日起可以登入 traveldata.hkbn.net ，以 $30 購買「旅遊上網 SIM 卡」，再付日費 $55 購買每日 150MB 數據；購買多於 1 日的旅遊日數，數據可累積使用。SIM 卡特色為不設到期日，今次旅行用唔晒數據，也可以留返下次出埠用；而日數則以 24 小時計算，而非凌晨計，彈性較高。另一個特色是同日往返多個指定地區，都只收一次錢，相對漫遊收多日費用，計法較簡單，近排歐元低水，去歐遊一口氣跑多幾個國家就抵返晒。不過 SIM 卡不設網絡共享功能，冇得同朋友一齊 Share Wi-Fi，一班人一齊歐遊租隻Wi-Fi蛋仲抵。
咁得 150MB 一日可以做到啲咩？其實一般 WhatsApp、睇 Facebook、Google Map 都夠用，以 WhatsApp Send 相為例，每張約 200KB 的話，一日 Send 100 張都仍然綽綽有餘；不過如果閣下要求高質素高解像度就另計啦。