如果 Funky 仔話帶個藍牙喇叭去跑步，大家一定會話我痴線。因為齋帶手機已經好麻煩，加上手機自己又可以播歌，要帶多嚿嘢似乎真係麻煩咗啲。之不過點解今次都仲會介紹呢個小喇叭俾大家呢？
因為佢唔單只係一個小喇叭咁簡單，佢首先可以插 microSD 卡用嚟聽歌，又可以當成計步器，有需要時又可以透過藍牙播手機啲歌，咁都不特止仲要有收音機乜鬼都齊晒（講到口水都乾），唔好話跑步，帶去行山就夠好！個人認為除咗隻色有啲「clam」之外可以，絕對可以稱得上係喇叭界嘅「攞你命三千」，加上售價只係兩嚿水，實在買得過。
查詢：Smart Digital（9028 6078）
