呢一輪大家都係儘量乖乖地留喺屋企抗疫，不過放工放假都屈喺屋企確實難頂，留家抗疫最好節目當然係煲劇、煲戲或者打機，而巴頓今個禮拜就搵到幾款筍價 Sony 電視機俾大家買番屋企解悶。
家陣揀 4K 電視機不外乎韓、日、中國三地廠牌，對畫質有要求的用家都傾向日本廠牌，而Sony 近年都相當積極，出咗好多個唔同價位唔同功能嘅系列迎合不同用家的需要，就算 Budget 有限都可以搵到適合自己的型號。深水埗 AV Outlet 慶祝 10 周年特別搞咗個感謝祭，精選咗好多款 Sony 電視機做筍價，有好幾款包括 KD-55X7000G 、 KD-55X8500G同 KD-65X7000G 仲要係日本製造，呢三款機都有開倉靚價，其中 KD-55X8500G 之前街價 $12,990 開倉價 $8,450 ，都平咗成四千幾蚊。
另外，如果想揀細啲嘅尺寸都有， 43 吋 X7000G 、 X8000G 及 X8500G 系列全部都有開倉價，其中 KD-43X8000G Android TV 之前街價賣緊 $6,290 ，開倉價 $4,780 就買到。除咗買電視機有靚價外，現凡於 AV Outlet 購買任何 Sony 電視機，即可以 $750 購買原價 $980 的 Sony 原厰掛牆架，仲要連埋 Sony 上門安裝工程服務，對自己好啲，買番部靚畫質 Sony 4K 智能電視機返屋企煲劇打機齊心抗疫。
查詢：AV Outlet ( 2387 3301 )