LG剛剛在發布會上正式發布最新旗艦機V10，一如會前預告，新機嚟個大革新，外形上冇咗G4嘅影子，加入雙前鏡頭同副屏幕設計；攝力仲再升級，主攻拍片，真正拎住手機都拍到大師級影片咁話。
早於發布會前官方已經預告V10機身規格，沿用 G4 的 Snapdragon 808 處理器及 Rear key 設計，升級 4GB RAM，2K 解像度屏幕亦增至 5.7 吋。新機保留插卡換電功能，並支援LTE Cat.6。主屏幕上方新增一行2.1 吋副屏幕，唔使開機都可以睇到手機狀態，包括時間、通知提醒、應用程式快速鍵及音樂播放操控功能等等，幫用戶慳電。
 |  |
| 120度超廣角方便大班人自拍。 | 前後鏡一齊影都得。 |
新機主力賣點為攝影，新增的兩顆5MP前置鏡頭可二合為一拍攝出 120 度超廣角相片，多幾個若希BB都應該影得晒。16MP後鏡頭除咗支援4K影片拍攝外，亦可調校影片ISO、色溫、Frame Rate及聲音等多項附加設定，仲設有自動15秒影片剪接功能，方便用戶拍完片即時上載到Instagram打卡「些牙」。
 |  |
| 自動15秒影片剪接功能，方便用戶拍完片即時上載到Instagram。 | 拍片時可調校影片ISO、色溫、Frame Rate及聲音等多項附加設定。 |
V10將於10月8日起陸續於各市場上市，備有黑、白、米色、深藍及粉藍五款選擇，香港方面推出日期待定。