LEGO 遊戲系列一直都有同唔同嘅電影合作， Harry Potter 、 Avengers 、超人特攻隊等等，加上豐富嘅收集元素，以及近年瘋狂抽水嘅風格，所以一直都班好固定嘅 fans 。
不過 Humble Store 上個月先送嘅《 LEGO 魔戒》同《 LEGO 哈比人》喺今日（1/3）已經喺各大數位平台下架，相信係授權已經過期。事實上《魔戒》嘅版權比起其他電影系列嚟得複雜，三集嘅版權分別由 New Line Productions 、 Saul Zaentz Company 同 Warner Bros. Entertainment 三間唔同公司持有。 LEGO 遊戲系列本身算高產，相信唔會為呢兩隻分別喺 2012 年同 2014 年推出嘅遊戲重新再傾版權。
如果你仲未入手相信只可以靠搵實體版，因為好少有遊戲會喺授權過期之後重新買返，《 Alan Wake 》可以重光都係要靠 Microsoft 出手。當然如果你買咗嘅，依然可以下載呢兩隻 game。
