外置硬碟儲存產品無論容量同體積一向都大過 USB「手指」，但係如果大家認為大容量裝置就要預咗體積有返咁上下大同重嘅話就錯晒喇。事關今星期見到呢隻「三叔」外置碟，就真係唔會令你覺得有負擔，佢比一般外置硬碟細一半以上，拎上手竟然有輕飄飄感覺。
Check 返官網話呢款型號叫 T1 嘅外置 SSD，最大容量果款都係重 30g，體積為 71.0×9.2×53.2mm，如果話呢隻 SSD 仲輕過部分 USB「手指」可能誇張咗，不過，難得佢又有 1TB 容量可以揀，但係有時拎出街最緊要夠型。價錢由 HK$1,580 至最貴 HK$4,780，但唔好忘記佢係 SSD 嚟架！
查詢：展昇（2361 1295）
