飛機，大家都放過或被人放過。不過千祈唔好睇少放飛機，因為放得叻，可以放到參加世界大賽，成為全球飛機王！
講既梗係唔係玩失蹤嗰種「放飛機」啦，係放「紙飛機」呀，相信任何人細個時一定有玩過。可能大家以為飛機人人都識放，其實要架紙飛機飛得又遠又耐，真係好有難度。
比賽會鬥三樣嘢，「飛得遠」、「飛得耐」同埋「花式飛行」。
簡單講，頭兩項都只限用現場派發的 A4 紙，唔准剪唔准貼只可以用「摺」一架飛機出嚟，然後就鬥飛得遠同飛得耐。
第三項就總之用紙製作一架飛機，然後飛出去，評審會按紙飛機製造技巧、創意設計及飛行表現嚟評分定勝負。
香港站比賽將於三月初在中文大學舉行，爭奪五月響奧地利舉行總決賽的參賽資格。留意佢哋個網頁啦。
乜話？唔識摺？Google同Youtube都幫到你。
教你摺飛機：
