智能手表大熱，鼓勵更多人去跑步做運動（同埋放張跑步相上網打卡呃 Like）。今次連保險公司都睇中箇中商機，宏利亞洲今日宣布推出 ManulifeMOVE 計畫，凡加入的會員均可獲贈 Fitbit Flex 或 Misfit Shine 智能運動手帶，記錄日常運動數據；每日平均步數達指定目標，即可獲得保單折扣優惠。
由即日起至 2015 年底，只要購買宏利指定的危疾或醫療保障產品，均可申請加入 ManulifeMOVE 計畫。會員可以透過 Fitbit Flex 或 Misfit Shine，記錄每日運動步數，並將數據同步到 ManulifeMOVE 手機 App，iOS 同 Android 都支援。計畫優惠分為3個目標階段，如每日平均步數達 5,000 步，下一年保單費用就可以享有 5% 折扣優惠；平均達 7,000 步，可享 7% 折扣；平均滿 10,000 步，恭喜你，你獲得最高嘅10%保費優惠。
 |
 |
| 用戶可以透過手機 App 記錄監察運動數據。 | 計畫優惠分為 3 個目標階段，達標就可享保單優惠。 |
今次宏利選擇香港為全球首個推行計畫嘅城市，皆因睇中港人熟悉新科技，又注重健康，而且不同年齡層嘅人都適用。手機 App 亦會提供其他健康生活資訊同貼士，作為建立客戶關係嘅工具。宏利方面指，計畫將會加入其他保險產品，未來亦會擴至其他亞洲城市。
