呢期如果要換機，似乎 Samsung Galaxy S8 都係市場上最多人講，廠商又推得最勁嘅產品，既然大家都係買部機，電訊商當然要搵啲方法出奇制勝，csl 就專為買機人士，推出舊機資料轉去新機服務，係要令到大家對買機 0 抵抗力為止。
csl 推出呢個服務，全名為「手機記憶整合」，目的係為買咗 S8 嘅朋友，無痛將舊機資料過去新機，今次服務仲要講到明係一對一，係咪即刻覺得好尊貴呢？！呢啲當然唔係服務重點，重點係，佢除咗可以幫大家將電話簿、短訊、影片、相片、音樂檔、已下載的手機程式搬去新手機之外；今次就連手機設定、Wallpaper、Whatsapp 通話記錄，就連鬧鐘、Email 及 Browser Bookmark 都可以幫你搬去新機，誇張講你諗到既都差唔多可以搬晒過去，之後仲會有 24 小時手機支援熱線同手機借用服務等等，呢個尊貴服務真係搞到大家無藉口唔出機喇掛。
