「又到聖誕，又到聖誕～～」，當然唔少得約埋三五知己搞返個聖誕 Party，驚玩玩下唔夠酒飲，又唔想特登落街買？近日推出嘅新 App「BottlesXO」就幫到大家。
只要下載程式，再輸入個人資料，就可以開始揀酒，入面分別有紅酒、白酒及香濱多種選擇。而且每款都會有建議配搭嘅食物種類，就算未飲過都可以「睇餸揀酒」。揀完就可以輸入送貨地址，一小時內就可以享受美酒佳餚。
 |
 |
| BottlesXO 有多款酒類可供選擇，並會建議配搭嘅食物種類。 | 點選後可以睇到更多有關呢枝酒嘅資料。 |
只要落完「柯打」，可以透過 App 追蹤司機位置，睇到佢由邊度開始出發，預計幾時送達，等都唔洗等得咁辛苦。小記喺試用嘅時候就親証司機唔小心行錯路，兜落柴灣先返筲箕灣，但都趕得切一個鐘速遞承諾。
 |
 |
| 透過 App 追蹤司機位置，佢去到邊都一目了然。 | 唔洗一個鐘就送到小記公司（今次為傳媒試用，暫時服務範圍只有中上環、半山、山頂、灣仔、薄扶林及數碼港）。 |
服務現階段只供中上環、半山、山頂、灣仔、薄扶林及數碼港人士使用。其他地區嘅愛酒唔洗擔心，因為公司將於 2016 年分階段擴展服務範圍至東區及九龍區。
唔知大家準備聖誕 Party 準備成點，希望呢個 App 幫大家帶嚟一個愉快嘅聖誕啦！