做完愛回家，又係播無心大陸劇，大台似乎冇乜節目好睇，連阿媽都問仲有冇其他台呀？作為孝順仔女緊係有開香港電視畀佢睇啦，但都唔夠，家陣終於等到有多個台畀香港人揀啦！講緊嘅係美國網絡電視 Netflix 今日正式進軍香港，月費由港幣 $63 起，節目不限時數任你睇，由即日起到網上登記仲送你免費試睇一個月。
Netflix 香港月費組合分為三種，分別有基本、標準及高級。基本月費為 $63，但就不支援高清畫質，亦只可以在一個裝置屏幕上觀看。$78 的標準版就支援高清畫質，仲可以兩部裝置同時睇。高級組合月費最費，每月 $93，但支援高清及超高清畫質，仲可以四部裝置同時睇，全屋一人一部機各自睇劇都得；只要用智能電視、手機、平板或遊戲機，下載 Netflix App 就有得睇。全部月費組合都係第一個月免費，而且隨時可以取消或更改，唔使搵希特拉。
Netflix 除咗有歐美電影及電視節目，仲有自家攝製紀錄節目，亦有兒童專區，提供超過 1 億小時影視節目，亦會提供字幕及配音。所有月費組合均可以不限時數收看 Netflix 上嘅節目。有得睇，真係唔睇？