WD 硬碟一向用顏色去區分唔同系列，相信大家都識分黑、藍、紅、綠之類系列，近排仲新出咗隻金色添！做乜硬碟都要玩到土豪金？
WD 最新出嘅 Gold 系列，原來係主攻 Datacenter 市場，採用 HelioSeal 氦氣填充技術，比起傳統技術慳電 26%，8TB 官方讀寫耗電量都係 7.4W，以 Datacenter 嘅用途計，加加埋埋真係慳一大筆電費！
WD Gold 系列最高提供 8TB 容量，MTBF 仲高達 250 萬小時，比起一般企業版硬碟嘅 200 萬小時更長。Gold 系列行 7,200rpm 轉速，官方仲話速度比 Re 系列快得多，連續讀寫快過 Re 4TB 成18%，隨機更加比 Re 6TB 快 30%。
