相信無人會唔識 Mario 呢個任天堂嘅遊戲角色， Mario 遊戲系列自推出以來一直都係任天堂暢銷系列之一，不過你又知唔知呢個角色嘅靈感係真有其人呢？
喺 80 年代 Nintendo America 成立初期，佢哋曾經喺華盛頓租過個貨倉做 office 。不過因為真係啱啱起壇，所以成日都欠租，誇張到有一次包租公直接剷上門，呢個包租公個名就係叫 Mario Segale 。
當時有個員工就發現呢個包租公同《 Donkey Kong 》裡面嘅「 Jumpman 」好似，跟住就將「 Jumpman 」命名做 Mario 。任天堂都保密咗好耐，直到 2015 年任天堂先講出嚟，但原來 Mario Segale 本尊係完全唔知有件咁嘅事，佢喺有個訪問度講過：「我等緊任天堂俾返啲版權費我㗎。」ww
Mario Segale 係一個地產商人，在 1952 年剛畢業後就開咗間建築公司，後來發展至掘礦業、製造瀝青、重舖機場跑道、甚至獲得收費公路經營權。他一直長居美國，喺啱啱過去嘅 10/27 離世，享先 84 歲。
