更多

    【揹住 18kg 連行四個鐘】用腳行出嚟嘅 Google 街景

    講起 Google 地圖,大家可能都會諗起 Google 街景車,連警察做嘢想掩飾身份都要扮佢就知有幾深入民心啦!不過,自細讀書都有教,香港山多平地少,唔係度度都可以揸住街景車到達,咁世界上其他山旯旮(音:卡啦)嘅角落又點樣影低全景,製作成大家喺 Google 地圖上見到嘅 360 度街道景觀呢?就等 Google 街景計畫作業員 Raf 親自為大家解說啦。

    Google 街景計畫作業員 Raf
    Google 街景計畫作業員 Raf。

     
    [ot-video][/ot-video]
    原來除咗大家熟悉嘅街景車,Google 街景「車隊」仲有好多款,包括街景背囊、街景手推車、街景雪地電單車同街景三輪車。香港目前會用街景車及街景手推車去拍攝大街及道路,甚至博物館內的展品;而山路、樓梯及窄巷等等,則會由專人背上街景背包去拍攝。
    Raf 擅長影香港各處特色樓梯。
    Raf 作品包括香港各處特色樓梯。

     
    如果要上山影 Google 街景,連埋上山落山可能需要花上 4 小時。
    如果要上山影 Google 街景,連埋上山落山可能需要花上 4 小時。

    外表陽光嘅 Raf 正正就係專門負責揹住街景背包拍攝街景,香港唔少地方都都有留下 Raf 嘅腳毛,包括昂坪棧道、麥理浩徑第八段、中環美利道旋轉樓梯、石板街、沙田萬佛寺等等。街景背包重約 18kg,高120cm,由電池及 15 組 500 萬像素的鏡頭組成,由Android 手機控制,電池充電後可用約6至8小時。每次 Raf 都揹住重 18kg 嘅街景背包去影相,如果上山落山要行差不多三至四個鐘,睇佢即場示範行樓梯好似相當輕鬆,但其實都幾講求體能。
    Raf 揹住 18kg 嘅街景背包走過幾十級樓梯,依然面不紅氣不喘。
    Raf 揹住 18kg 嘅街景背包走過幾十級樓梯,依然面不紅氣不喘。

    「街景背包會自動每 2.5 秒拍攝一次,所以我只要保持穩定步速就得,難度唔高。Google 方面會後期再執相,例如執走拼合唔到嘅人、車,再將相片串連成 7,500萬像素嘅 360 度全景相。」咁拍攝時又有冇咩特別難忘嘅經歷?「有試過喺山畀狗追囉,不過好彩有帶行山杖,可以趕走野狗,唔使好似拍戲咁揹住十幾公斤裝備跑。」
    街景背包會自動每 2.5 秒拍攝一次,Raf 只需要保持平穩步速行走就得。
    街景背包會自動每 2.5 秒拍攝一次,Raf 只需要保持平穩步速行走就得。

    想好似 Raf 一樣咁有型揹住 Google 街景背包周圍影低城市好風光,又唔係冇可能嘅,攝影師同攝影公司可以向 Google 申請認證,成為推薦攝影師;公眾同非牟利機構亦可以按此申請借用街景背包,深入高山低谷去拍攝,不過首先……你要揹得起18kg嘅街景背包行上山囉!
    有興趣嘅公眾人士都可以申請借用街景背包,不過首先你要好似女版主咁大隻揹得起佢。
    有興趣嘅公眾人士都可以申請借用街景背包,不過首先你要好似女版主咁大隻揹得起佢。

    您會感興趣的內容

    相關文章