早排 E3 遊戲展上任天堂公布大家期待已久嘅新作 Pokémon Go 確認 Pokemon Go 將於 7 月正式推出，轉個頭隻 App 今日如期上架，免費下載。雖然「理論上」只限澳洲及紐西蘭地區試玩，但香港地區下載 APK 或用澳洲 Apple ID 下載後一樣玩到（文末有下載連結），而且就算冇藍牙遊戲配件Pokémon Go Plus 都一樣咁好玩，各位精靈訓練員準備好未先？
安裝 Pokemon Go 後要先使用 Google 帳戶、Apple ID 或 Pokemon Trainer Club ID 登入。
用戶可以個人化自己的訓練員，由膚色、頭髮、眼珠到衣著、鞋履都可以一一自由設定。
[row][double_paragraph] 
開始遊戲時，需要開啟 GPS 定位；如果身處環境 GPS 訊號不穩定，如電梯、地鐵車廂等等，就有可能玩唔到。App 裡的訓練員就會根據閣下實際位置，在地圖上移動。在不同的地區，會出現不同屬性的小精靈，例如車厘龜等水屬小精靈會在近水的地區出現，地底範圍如地鐵則會出現波音蝠等小精靈，不同國家亦會出現不同的小精靈，點選右下角即可查看附近可能出現的小精靈。
發現小精靈時，手機會發出聲效提示，進入遊戲 App 並點一下小精靈，就可以連接到手機鏡頭，即時睇到「現實世界」中的小精靈，一時搵唔到的話，轉個身上下左右搵搵就會見到；小精靈都幾活潑，會郁會叫，AR 效果出色。不過記得睇路呀，唔好掛住捉精靈！
[row][double_paragraph]
此時用手指在屏幕上按住精靈球，對準小精靈扔過去，就可以捕捉小精靈。精靈球紅燈熄滅代表成功，只要大概扔向小精靈方向，成功機率都相當高。儲夠所需道具，就可以幫小精靈進化。
[row][double_paragraph] 
難得遇到小精靈，緊係影返張相先啦，按一下右下角的相機 icon 就可拍照，相片會儲存於手機內。（到底應該入地鐵先，定影埋波音蝠先？）
[row][double_paragraph]
地圖上會有一座座的 PokéStop 精靈站，可以補充精靈球、蛋等各款道具，一邊行街不妨一邊開住個 App 留意下，入定貨。
較大座的塔就是道具，至少要有 Level 5 先可以挑戰。
[row][third_paragraph] 
點按主選單中間的精靈球，可以隨時查看自己擁有的精靈，亦可以到商店購買精靈球，每100 Pokécoin 值港幣$8，當然仲有訓練員最重要的：精靈圖鑑。
下載：App Store （澳洲）/Play Store / APK（風險自負）
