屋企用 Wi-Fi 上網，難免有「死角」情況，近年冒起的 Mesh Network 就解決了此問題，既穩定又高速兼「無死角」。一向大搞 Smart Living 的 HKT，今日宣布引入 Google Wi-Fi 作獨家販售，全屋上網無死位簡單就達到。
其實對 Mesh Network 有少少認識的朋友，都知道香港有賣的 Google Wi-Fi 為水貨產品，今次 HKT 引入等有心想入手的用戶，唔需要擔心買水貨冇保養的風險。當然，HKT 賣 Google Wi-Fi，就是專為搭配光纖入屋的寬頻服務而來。HKT Smart Living 推出配備 Google Wi-Fi 的「覆蓋王」服務計劃，除了使用光纖入屋的網上行寬頻服務外，技術人員會提供端對端上門安裝，而客戶除了可享 24 小時售後熱線支援外，還可享有上門維修服務。
新產品更帶來新優惠，客戶只需登記 30 個月的 2 x 1000M 或 4 x 1000M「網上行」光纖入屋寬頻服務，即可免費使用「覆蓋王」服務計劃 30 個月，利用 Google Wi-Fi 建立「無死角」無線上網環境。咁如果用緊 1000M 或以下的光纖入屋寬頻服務，又可唔可以用到 Google Wi-Fi 呢？當然 OK ，不過就要額外付費，1000M 及 500M 客戶每月需 $68（30 個月或 24 個月約）， 200M 或以下則每月$108（30 個月或 24 個月約）。
