Now TV 早前宣布歐洲國家盃 2020 直播細節，將會有 MIRROR 和 ERROR 成員加入，每晚有 MIRROR 同大家玩遊戲節目，另外更會有ERROR 及強尼同大家講波。今日 Now TV 在全新錄歐洲國家盃 2020 影廠進行啟動禮，同時示範利用 Now Player 應用程式，一同跟 4 位朋友邊睇邊傾的「一齊睇」視像互動新功能。
今屆歐國盃對於球迷或非球迷，相信都會是一個特別的體驗，因為請來了星級人馬 Mirror 坐鎮，會在賽前加入綜藝遊戲節目兼同大家唱主題曲，更會有 Error 於第三聲道跟大家見面。除此以外，今日同時公布第三聲道會有多位網絡紅人成為嘉賓主持，包括前港隊女子單車運動員馬詠茹、現役港隊女子青年劍擊運動員文毅施、前港隊成員盧均宜、《電競三子》老星、Martin、William（返工狗），網絡紅人啱 Channel – Ah Gi 、Jackie、試當真阿慈、小薯茄‧人富及阿 J 加入同大家講波，同大家輕鬆睇波！
更有趣的是今年 Now TV 在手機程式《Now Player》中重加入「一齊睇」功能，搞搞新意思，讓球迷就算不能跟朋友出外「一齊睇」，都可以在家透過技術做到「一齊睇」。用戶只要利用流動應用程式及網頁版上，觀看 Now Sports 618 台直播賽事時，即可透過程式上的按鈕邀請另外三個朋友加入 Watch Party。
至於價錢方面，Now TV 歐洲國家盃 2020 通行證為 $880，而新客戶或現有客戶申請指定計劃可享有 $440 半價優惠；另外用戶亦可以 Now E 觀看歐洲國家盃 2020 4K 賽事，通行證為港幣 $1,080。