之前「唱 K 神器」賣通街，一支咪一部手機就可在家過足唱 K 癮。不過體驗同在 K 房一樣，都係對住 MV 自己高歌。JOOX 拍住唱呢個新功能就為大家帶來更好玩的個人唱 K 體驗，連 Super Girls 嘅 Cheronna 同 Aka 都話過癮！
大家都知唱 K 就係睇住 MV 一齊唱，而 JOOX 入面的 K 歌功能一樣係比大家去一展歌喉，不過新增的拍住唱功能就更特別，原因是於基本的錄音模式外，加入 Video 拍攝模式，可以自己一邊唱歌一邊錄住用家個靚樣，仲內置美顏功能，怕未化好妝唔上鏡，一樣可以先執一執再錄影，而且，更好玩的地方在於，你可以同喜歡的歌手一齊唱！
原來 JOOX 呢個拍住唱功能內有多首合唱歌曲，利用「加入合唱」功能，選擇演唱歌曲 A 或 B 段，就可同心水歌手一起演唱歌曲，JOOX 會不定期邀請歌手或藝人一齊玩「拍住唱」，就如 Cheronna 同 Aka ，仲有張敬軒、 JW 等等；想搵埋朋友一齊玩就用「新開合唱」功能，先選擇演唱部分，完成合唱龍頭作品，這時就會顯示於 JOOX 個人主頁內，又或者可以直接開心 Share 邀請朋友同你合唱。
同心水歌手可以一齊「拍住唱」的功能真係十分特別，筆者試玩呢個功能時就遇著 Super Girls 嘅 Cheronna 同 Aka 準備為拍住唱錄影，她們都異口同聲話好用兼好玩，仲有時用來自己練歌。想唱 K 有新意新玩法，咁就要試試呢個 JOOX「拍住唱」功能啦！
下載 JOOX Music
