更多

    可以用 App 監察的室內種菜機

    cHLoe
    cHLoe
    ・仍相信科技是讓人進步 ・喜愛拍攝,上鏡極不自然 ・特別關注科技教育 ・熱愛了解藝術上的科技應用 ・大部分時間天然呆

    正所謂「病從口入」,早前先有報導指出「本地有機菜」好多都唔係真有機,又話輸港內地菜農藥超標,搞到人心惶惶。香港連地都唔多,仲邊有咁多地方種菜吖?最近,日本 foop 就設計出一部智能室內種菜機,即使無花園都可以種菜。
    foop 智能室內種菜機大概同微波爐差唔多,白色配以淺啡木,透明太空艙設計,可以睇到菜嘅狀況,外形幾別緻。咁到底可以種咩菜呢?生菜、芝麻菜、紫蘇、羅勒等水耕菜都種得,透過手機 App 仲可以知道溫室內嘅溫度、濕度、水份同燈光等。如果唔夠水,部機會自動喺手機彈出通知,大概一個月就有得食架喇,用黎做沙律同三文治就啱晒。

    玻璃罩方便屋企人觀察溫室內啲菜生長。
    玻璃罩方便屋企人觀察溫室內啲菜生長。

    只要在棉花上面播種、加水同液體肥料,就可以用手機 App 黎監察住溫室內嘅資訊,確保家人食到健康菜。哩部 foop 智能室內種菜機售價 38,800 円,首批限量 100 部已早被搶購一空,預計今年 9 月推出第二批產品,大家可以留意住網站。哩類室內種菜機唔係首次發明架喇,相信哩種產品會愈黎愈多,愈黎愈平嘅。
    室內可以種菜,大約一個月就有得食架喇。
    室內可以種菜,大約一個月就有得食架喇。

    網站:https://foop.cestec.jp/

    您會感興趣的內容

    相關文章