話說昨日將軍澳有區議員想幫基層家庭減輕負擔，就推出特惠電腦推廣等大家買平機。豈料一片好心反而被人搵笨，最後要出來解畫。及後又有人出來幫大家「砌平機」，呢次又有冇搵笨呢？
Facebook專頁「將軍澳青年力量」佢哋就話有區議員被人當「水魚」，心有不甘下決定用同樣價錢幫街坊揀料砌機，仲推出三個「平靚正」方案，分別係「文書低階LOL機」、「一般打機0難度機」同埋「爽快流暢玩樂機」。三個方案各有特色，最平 $2,166 就可以入手（當然唔包屏幕同操作系統）。小記再睇清楚少少，三個砌機方案都用 Intel Skylake 處理器，貴果兩部用 DDR 4記憶體，仲起碼有 1TB 硬碟，載多少少資料都唔快好快冇位。將軍澳青年力量專頁仲話樂意提供提供免費上門砌機及維修電腦服務，如果街坊們有任何問題都可以 PM 佢哋睇睇解唔解答得到。嗱，呢啲就真係做嘢啦，跟得到現時電腦規格之餘仲照顧周到。話時話小記的同事 Dick Sir，唔知又有冇興趣開幾堂砌機班，教大家做個精明的「砌機友」呢？
圖片來源：將軍澳青年力量Facebook專頁、謝正楓區議員Facebook專頁